平民下午茶! $20 豉油鸡髀加红豆冰

2020-07-08    收藏863
点击次数:439

依家间间餐厅都话「物价上涨」,逼于无奈要加价,喺街边买鸡髀食都要十几蚊,下午茶都要起码$30以上,食平少少都有难度。太子最近竟然有间食店 豉油鸡髀 加红豆冰只係$20!不过,价钱虽然吸引,但味道就要试过先知,记者Sam即刻去试食睇吓伏唔伏!

 

超抵$20下午茶 豉油鸡髀 配红豆冰

见到 阿妈靓汤以为净係得汤水饮,原来仲有其他嘢食,碟头饭、米线、拉麵,连乌冬都有。一到晏昼2点半下午茶时段就开始多人,因为呢度下午茶够平,$30有找。最平下午茶餐, 豉油鸡髀 配红豆冰只係$20,相比起坊间的价钱平好多!

平民下午茶! $20 豉油鸡髀加红豆冰
阿妈靓汤嘅门面係橙黄色,经过都会留意到。

豉油皇鸡髀 配红豆冰 $20

鸡髀size适中,肉质够嫩滑juicy,但豉油味唔算好入味,中规中矩。

平民下午茶! $20 豉油鸡髀加红豆冰 平民下午茶! $20 豉油鸡髀加红豆冰

鸡髀都有半块面咁大,唔算细只。

Cappucino红豆冰

除咗原味红豆冰,仲有Cappucino红豆冰、奶茶红豆冰、杏仁霜红豆冰和好立克红豆冰,加$2就转得。记者试咗Cappucino红豆冰,红豆份量都有1/3杯,Cappucino味都突出,红豆甜甜哋可以令Cappucino冇咁苦,不过带点酸味,整体觉得唔太夹。不过,想试嘅朋友都可以挑战吓。

平民下午茶! $20 豉油鸡髀加红豆冰
呢个下午茶餐加$2,便可转Cappucino红豆冰。

迷你西多

食完鸡髀唔够喉,可以加$9要件迷你西多。迷你西多份量係平时食开西多士嘅一半,西多外层炸得香脆,但略嫌花生酱唔够多,多士有d乾身。

平民下午茶! $20 豉油鸡髀加红豆冰
食完鸡髀唔够饱,可以加$9要件迷你士多。

饱肚细碗饭 $30有找

下午茶唔止有鸡髀同红豆冰,仲会有$30有找嘅细碗饭,有鸡饭、叉烧煎蛋饭 、酸菜滷肉饭、鳗鱼汁肥牛饭、香酥猪扒饭等等,畀食量较大嘅朋友选择。不过相比起鸡髀,细碗饭嘅味道就麻麻哋喇。

叉烧煎蛋饭 $24

叉烧好dry,而且肉质较粗糙,食落好「嚡口」,豉油味道有d淡。

平民下午茶! $20 豉油鸡髀加红豆冰

姜葱霸王鸡饭 $26

一共有4款鸡饭,沙姜鸡饭、麻酱鸡饭、切鸡饭和姜葱鸡饭,而姜葱鸡饭比其他鸡饭贵$1。姜葱几香口,切鸡肉质都算滑,味道正常。

平民下午茶! $20 豉油鸡髀加红豆冰

阿妈靓汤

地址:太子太子道西100号地下B舖

营业时间:星期一至六 7am-11pm;星期日休息

电话:2398 1933

想知更多吃喝玩乐、扮靓资讯,就快d like Sam拍胃 facebook page啦!

平民下午茶! $20 豉油鸡髀加红豆冰

相关文章  RELEVANT ARTICLES